இப்போது சிலம்பரசன் நடிக்கும் ‘வாலு’ என்ற புதிய படத்தில் நயன்தாராவை கதாநாயகியாக நடிக்க கேட்டதாகவும், அப்போது நயன்தாரா தனக்கு ரூ.3 கோடி சம்பளம் வேண்டும் என்றும், தன்னிடம் சிலம்பரசன் நெருங்கி பழகக்கூடாது, கேரவனுக்குள் வந்து பேசக்கூடாது என்று நிபந்தனைகள் விதித்ததாகவும் வெளியான தகவல் கடந்த இரு தினங்களாக பரபரப்பான செய்தியாகிவிட்டது.

ஆனால் இதனை இருவருமே இப்போது மறுத்துள்ளனர். இதுகுறித்து நயன்தாரா கூறுகையில், “வாலு’ பட இயக்குநர் விஜய், அந்த படத்துக்காக என்னிடம் தேதி கேட்டது உண்மை. அந்த படத்துக்கு என்னால் தேதி கொடுக்க முடியவில்லை. நான் இப்போது 3 தெலுங்கு படங்களில் நடிப்பதால், இந்த படத்துக்கும் தேதி கொடுத்தால் குழப்பம் ஏற்படும் என்று அவரிடம் சொன்னேன்.

இதுதொடர்பாக அந்த படத்தின் தயாரிப்பாளர், என்னிடம் பேசவும் இல்லை, நான் எந்த நிபந்தனையும் விதிக்கவும் இல்லை. ரூ.3 கோடி சம்பளம் கேட்கவில்லை. கேரவனுக்குள் சிலம்பரசன் நுழையக்கூடாது என்று நிபந்தனை விதிக்கவும் இல்லை. எந்த தயாரிப்பாளரிடமும் நான் நிபந்தனை விதிப்பதில்லை. அப்படிப்பட்ட பெண் நான் அல்ல.

சிம்புவுடன் நடிப்பதில் ஆட்சேபனை இல்லை

எனக்கு, சிம்புவுடன் எந்த பிரச்சினையும் கிடையாது. அவருடன் நடிப்பதில் எனக்கு எந்த ஆட்சேபனையும் இல்லை. என்னிடம் தேதி இருந்தால் மட்டுமே அவர் படத்தில் நடிப்பேன். இல்லையென்றால், நடிக்கமாட்டேன். எனக்கும், அவருக்கும் பிரச்சினை என்று நான் சொல்லவில்லை. நானும், சிம்புவும் சேர்ந்து நடிப்பதாக இருந்தால், ஒன்று அவர் சொல்லவேண்டும், அல்லது நான்தான் சொல்லவேண்டும்,” என்றார்.

கால்ஷீட் இருந்தால் நடிப்போம்

“நயன்தாராவுடன் நடிப்பதில் எனக்கு எந்த பிரச்சினையும் கிடையாது. ‘வாலு’ படத்தில் நடிப்பதற்கு கேட்டபோது, அவர் நிபந்தனைகள் விதித்ததாக வதந்தியை பரப்புகிறார்கள் (வாலு படத்தில் நடிக்க கேட்கவே இல்லை என்று கூறி வந்தார் சிம்பு என்பது குறிப்பிடத்தக்கது).

ஒரு தயாரிப்பாளரோ, டைரக்டரோ அவர்கள் படத்துக்கு நயன்தாராவும், நானும் வேண்டுமென்று விரும்பினால், இருவருக்குமே `கால்ஷீட்’ இருந்தால் நடிப்பதில் தப்பில்லை. எங்கள் இருவருக்கும் இடையே எந்த பிரச்சினையும் இல்லை”, என்றார்.

இப்படத்தில் போலீஸ் அதிகாரி வேடத்தில் நடிக்கும் கருணாஸுக்கு ஜோடியாக அங்கனா நடிக்கிறார். காஞ்சனா படத்தின் மூலம் சிறியவர்கள் முதல் பெரியவர்கள் வரை என அனைத்து தரப்பினரையும் தனது நகைச்சுவையால் கவர்ந்த கோவை சரளா, இப்படத்தில் முக்கிய கதாபாத்திரம் ஒன்றில் நடிக்கிறார். இவர்களுடன் பரத்ரெட்டி, எம்.எஸ்.பாஸ்கர், பவன், வி.ஞானவேலு, மயில்சாமி, சிங்கம்புலி, மனோபாலா, ரகசியா, ஓ.ஏ.கே.சுந்தர், சஞ்சனா சிங் ஆகியோர் நடிக்கிறார்கள்.

பல படங்களுக்கு நகைச்சுவை பகுதியை எழுதியவரும், சுந்தர்.சி, சுராஜ், ஷக்தி சிதம்பரம் ஆகியோரிடம் உதவி இயக்குநராக பணியாற்றிய மனோ என்பவர் இப்படத்தின் மூலம் இயக்குநராக அறிமுகமாகிறார்.

ஸ்ரீகாந்த் தேவா இசயமைக்கும் இப்படத்தின் பாடல்களை வைரமுத்து எழுதுகிறார். ஒளிப்பதிவு வேல்ராஜ். 4 கோடியில் உருவாகும் இப்படத்தை கருணாஸ் தனது கென் ஸ்டூடியோ நிறுவனத்தின் மூலம் தயாரிக்கிறார்.

இப்படத்தைப் பற்றி கருணாஸ் கூறுகையில், “படம் பார்க்க வருகிற ஒவ்வொரு ரசிகனையும் படத்தோடும், படத்தின் கதையோடும் ஒன்றிப் போகச் செய்ய வேண்டும். இரண்டு மணி நேரம் தன்னை மறந்து திரையில் ஓடும் காட்சிகளை கைதட்டி ரசிக்க வேண்டும் என்று உருவாக்கிக் கொண்டிருக்கும் படமே ‘ரகளபுரம்’.” என்றார்.